Þið hljótið nú að vera búin að gefast upp á þessari síðu.
Stelpurnar sem eitt sitt blogguðu eru farnar eitthvað annað og ég hef ekki bloggað mjög mjög lengi.
Ég fann hjá mér einhverja skyndilega þörf til að láta heyra frá mér. Kannski er ákveðin athyglissýki að kikka aftur inn... ég veit það ekki. Kannski er það kreppan.. það er víst kreppa... hefur það farið framhjá einhverjum? Held ekki... Nema kannski þeim sem ekki horfa á sjónvarp, hlusta á útvarp eða skoða fjölmiðla á netinu.
Það hefur margt gerst hjá stelpunni á síðustu mánuðum og kannski væri gaman að deila því með ykkur.
Aftur á móti þá nenni ég ómögulega að skrifa nokkuð ef allir hafa gefist upp á því að skoða þessa síðu

Ekki meira í bili
Abba

Já - ég ætla að láta verða af því og færa mig á nýjar bloggslóðir! Nýja slóðin er: www.123.is/audursig
Síðan er læst en þeir sem þekkja mig ættu  nú að fatta lykilorðið....og þeir sem gera það ekki hafa bara samband ef þið eruð æst í að fylgjast með mínu skemmtilega lífi! Ég er m.a. búin að setja inn myndir frá Bræðslunni inn á nýju síðuna, vúhú!!!

Sjáumst á nýja staðnum!
Auður

... Hvað segiði? Hver er til í að slútta þessari síðu?

Var að koma úr bíói og vá hvað þetta er æðisleg mynd! Mæli með að allir skelli sér á Mamma mia! Átti nokkrum sinnum bágt með mig, langaði bara að stökkva úr sætinu og taka smá tjútt með þeim!!
Grenjaði úr hlátri, grenjaði yfir nokkrum "tötsí" atriðum og já....skemmti mér konunglega! Greinilegt að ABBA verður roadtrip tónlistin á laugardag!

Þar til næst,
Auður - syngjandi kát í kvöld!

....að enda daginn á bloggi! Það hefði ég nú haldið!
Ekki sérstaklega margt sem hefur drifið á daga mína síðan síðast reyndar en ég reyndar átti afmæli síðasta föstudag!! Það var einstaklega skemmtilegur dagur, byrjaði svona hrikalega vel þegar mín biðu rósir og nýmalað kaffi þegar ég kom úr sturtunni - ekki dónalegt að fá svona í morgunsárið!! Gleðin dvínaði svo aaaaðeins þegar leið á daginn, próf fyrir hádegi sem ég "klúðraði" Hefði amk átt að ganga MIKLU betur, veit ekki hvað gerðist....elliglöp sennilega!!! Gekk mun betur með fyrirlesturinn eftir hádegi þannig þá fór gleðin aðeins aftur upp á við! Þegar þetta helv#$"#$%#R%"!$" kláraðist þann daginn fór heldur betur að létta yfir manni, minn elskulegi loverboy bauð mér út að borða í tilefni dagsins og það var bara yndislegt!! Fórum á nýja staðinn á Akureyri, Rub23, og ég var sko ekki fyrir vonbrigðum. Æðislegur matur, góð þjónusta og yndislegur loverboy....ekkert við þetta sem getur klikkað! Eftir matinn var ég samt leiðinlega kærastan - fór heim og hafði "barnapíuskipti" - sem sagt....skildi kallinn eftir heima og fór sjálf í rauðvínspartý með nokkrum úr vinnunni/skólanum!! Sem sagt...fínasta kvöld sem leiddi reyndar til þess að ég gerði EKKERT á laugardaginn. Svaf meiri hluta dagsins .....skulum hafa söguna þannig að ég hafi verið búin á því eftir vikuna!!! En again....yndislegi loverboyinn minn leyfði mér að sofa almennilega þannig ég var góð fyrir rest!

Þessi vika: so far ömurleg!!! hehe...neinei, ekkert svo kannski. skóli, fyrirlestrar og verkefnavinna - það er lífið! Styttist heldur betur í Bræðsluna og ég hlakka svoooooo til!!!

Farin í bælið,
Auður - lífið er lærdómur!

...að hafa 6 vikna sumarskóla hluta af meistaranáminu mínu????
Jesús minn almáttugur...ég er gjörsamlega að bugast af álagi! Fyrirlestrar/hópavinna frá 8-16, próf og halda fyrirlestur á hverjum föstudegi. Mér datt aldrei í hug að þetta yrði svona strembið. ENNNNN þetta er samt mjög skemmtilegt og fræðandi, ég græði helling á þessu og í lokin verð ég með fullt af greinum og gögnum sem koma að gagni við skrif meistarastykkisins...svo ég tala nú ekki um hvað ég verð stútfull af fróðleik eftir sumarið!

Spurning hvort það sé samt meira virði en að halda geðheilsunni, geta átt smá líf á kvöldin og vera almennt viðræðuhæf! Neinei...ég er það samt alveg...svo lengi sem samtölin snúist um renewable energy. Töff.

Allavega...ég er að passa hund. Jebb...ég. Hund. Hverjum hefði dottið það í hug? Tja...ekki mér amk. Mig langar ekki í hund. Aldrei. Ekki eftir að hann er búinn að skíta TVISVAR inni hjá mér. Sem betur fer er boyfriend svo yndislegur að hann sér um þetta. annars væri ég búin að henda honum út. Sko hundinum....ekki boyfriend. Hann eldar líka fyrir mig og leikur við krakkann...ekki séns að ég hendi honum út úr þessu. sko boyfriend...hundurinn gerir mig bara brjálaða!!!

Farin að halda áfram að læra og sjá 25. júlí fyrir mér í hyllingum. Hlakka til. Eða hlakkaði til þangað til í dag. Abba og Hrafndís...þið eruð beyglur! En ég elska ykkur samt!

Auður - geðveik af álagi

Myndirnar komnar inn....e-ð færri en mig minnti samt! Og gat heldur ekki stækkað þær. Ó vell....gat alveg eins sleppt þessu. Laga þær þegar ég nenni og ef e-r kennir mér!

Töff

Ókei bæ
Auður

Fjölskyldan hér að Þvervegi 4 átti stórgóða helgi í brakandi blíðu og glampandi sól. Frekari útlistingar og myndir koma á morgunn... já eða hinn en varð bara að henda hér inn einni mynd af kellunni að þrífa utan af sér á þann háttinn sem Sigga stórfrænka Skógargerðis kenndi manni.

Eigiði góða vinnuviku sem framundan er.

Hrafndís, með fallegan rass....

Forsaga málsins er þessi:
Máney vinkona mín og Víðir giftu sig um síðustu helgi. Ég fór í brúðkaup. Hafði boyfriendið með. Máney var búin að vera með yfirlýsingar um það að hún ætlaði að þruma brúðarvendinum í andlitið á mér.

Sjáið fyrir ykkur atriði sem ætti vel heima í bandarískri bíómynd:
Gella mætir í brúðkaup hjá vinkonu sinni, situr allt kvöldið sæt og prúð og drekkur hvítvín í rólegheitum. Yfirveguð og cool á því. Svo kemur að mómentinu....brúðurin ætlar að afhenda brúðarvöndinn í rólegheitum, kallar upp vinkonu sína sem tekur það ekki í mál að vera réttur vöndurinn svona. Hún var sko búin að æfa "olnboga í augað" og ætlaði aldeilis að nota það! Þær fara saman út á gólf enda farið að fækka í hópnum og enginn á gólfinu. Þær stilla sér upp og nokkuð solid hver fær vöndinn. Kemur ekki önnur á gólfið og tuðar "ég er búin að fara í fullt af brúðkaupum núna og næ aldrei vendinum, ég ætla sko að vera með"!!

Það sem gerist er þetta: Brúðurin er í algjörum vandræðum, hvað gerist, hvað gerist. Hún snýr sér við og kastar vendinum. Allt tryllist á gólfinu. Þessar tvær slást um vöndinn sem byrjar í loftinu og endar svo á gólfinu. Utan úr sal heyrist "Auður, vöndurinn er á gólfinu"!!!! Hún tryllist, niður á gólf og rífur upp vöndinn um leið og hún skriðtæklar gelluna. Eftir stendur brúðurin, viss um að e-r hafi slasast, hin téða Auður stendur sigri hrósandi með vöndinn, eilítið sjúskaðan enda haugur af rósablöðum á gólfinu, hin gellan hálf skælandi og segir "kjóllinn datt meira að segja niður um mig"!!! (var í hlíralausum kjól!!! ) Boyfriendið situr við borðið, horfir á aðfarirnar og það eina sem heyrist frá honum er: "Nei hver andskotinn"

Hvað segiði, haldiði að þetta hafi ekki heillað hann upp úr skónum og búast má við AHA brúðkaupi innan skamms? Ég get nú ekki verið minni manneskja en þær stöllur mínar er það?!

Og jú...það voru sko teknar myndir af þessu enda sannkallað kodak moment. Held meira að segja að þetta hafi verið vidjóað líka....prófið bara að leita á youtube í vikunni...

Auður - ekki alveg svona æst samt!

Þar sem ég er ótæpilega ótæknivædd þá er þetta blogg ekki tengt við neina frétt á vísi eins og við eigum að geta gert. Enda las ég um þetta fyrst á mbl.is og ég hreinlega skalf af reiði.

Jújú....mín bloggar voða mikið þessa dagana! Svona er það þegar kallinn þykist vera í e-m veiðiferðum og ég fæ leið á því að blaðra við sjálfa mig!

Annars er lífið svo yndislegt hérna að ég er hreinlega að springa held ég! Veðrið er búið að vera eins og best verður á kosið enda drifum við mæðgur okkur út eldsnemma í morgun, röltum í bænum og höfðum það kósí, fórum í sund og nutum þess að vera til! Hreinlega elska svona daga. Var svo heppin að dagmamman mín er í fríi þannig ég gat með góðri samvisku notið þess að vera með börnunum mínum í blíðunni! Ekki slæmt það! Raunveruleikinn tekur svo við á morgun, vinna eftir fimm daga helgarfrí! Það verður fínt líka enda klikkað stuð á rannsóknastofunni hjá okkur!

Undirbúningur fyrir brúðkaupið um næstu helgi er nú að ná hámarki, kjólinn kominn í hús, búin að french manicura táneglur, plokka og lita, klipping á fimmtudaginn og er orðin eins og blökkumaður eftir sólina síðustu daga! jii hvað þetta er allt saman dásamlegt! Verst að þetta er ekki einu sinni mitt eigins brúkaup! O jæja....það verður samt gaman! hehe

Jæja, ætla að finna mér e-n almennilegan kellingaþátt að horfa á....svona fyrst kallinn er ennþá í veiðiferð.....njótið þess að vera til elskurnar...ég amk geri það svo sannarlega!

Auður kveður með sól í hjarta!

Já það er ekki hægt að segja annað en að móðurhlutverkið taki stundum á taugarnar...
þessa dagana er eldri dóttir mín, sem nb er ekki orðin 8 ára, gjörsamlega að fara yfir um af gelgjulátum! Þetta er ekki beint fyndið á meðan á því stendur en ég get stundum ekki annað en hlegið að henni þegar mestu lætin ganga yfir. Smá dæmi um setningar sem daman lætur út úr sér:

"Mamma, þú ert bara svo ógeðslega pirrandi að ég get ekki búið hér lengur!" Lét þessi stóru orð falla í síðustu viku...og hvað gerði móðirin svona pirrandi? jújú, lét hana taka heimalærdóminn sinn af borðinu svo það væri hægt að borða kvöldmat - það sem pirraði víst mest var að ég endurtók setninguna tvisvar því hún sagðist ekki ætla að hlusta á þetta!!

Í kvöld var svo dramakast í tæpa 3 tíma!!! Byrjaði við kvöldmatarborðið..eins og reyndar oftast. í dag var fiskur og grænmeti hjá okkur og hún tilkynnti strax að þetta væri ógeð og hún ætlaði sko EKKI að borða...án þess að smakka auðvitað! Ég gaf mig ekki og setti á diskinn og sagði henni að borða. Gerðum samning um að hún mætti horfa á teiknimynd þegar hún væri búin með matinn. Hún var samt ekki á því að klára grænmetið en af því ég var búin að segja einu sinni að hún ætti að klára þá var ekki aftur snúið. Hún sat því við borðið í klukkutíma og orgaði og grenjaði, barði í borðið og ég veit ekki hvað og hvað. Lýsti því svo yfir að það væri sko MIKLU betra þegar afi væri hérna líka en hann sem sagt tók sig til og henti matnum bara fyrir hana í ruslið um daginn þegar álíka kast átti sér stað þegar hann var í heimsókn!! Takk pabbi....takk!!
Allavega....þegar þessi "viðbjóður" var búinn af disknum fékk hún að horfa á mynd eins og um var samið....það var hins vegar ekki nóg því hún kom fram eftir smá stund og sagðist vera að drepast úr hungri og bara YRÐI að fá epli. Ég hélt nú ekki...hún gat þá bara borðað meira í kvöldmatnum. Við tók 2ja tíma öskurbrjálæðisgrenjukast, hurðum skellt og allt í volli!! Svo stóð hún, stappaði niður fótum og sagðist ætla að fá annaðhvort hálfan banana eða meira....minnkaði þetta svo aðeins og heimtaði minna en hálfan!! Þegar ég gaf mig ekki heldur með það æddi hún inn í herbergi, skellti á eftir sér hurðinni og orgaði:

"ef ég fæ ekki epli fer ég sko aldrei, aldrei, aldrei aftur í skólann"!!! Já einmitt elskan...
En það besta er að eftir þessa 3 tíma gaf hún sig....var sem sagt ekkert svöng og sofnaði sæl og glöð eftir að hafa fengið að horfa á sína teiknimynd!! Held að ég sé að vera búin að læra að gefa mig ekki og verðlauna ekki slæma hegðun. Jújú..sennilega er það að skila sér að hafa búið með sálfræðingi í 3 ár!!

Þessar elskur sem ég á eru yndislegar þó að á svona stundum get ég ekki beint sagt að ég sé spennt fyrir unglingsárunum!!

Mér er samt spurn....hvaðan kemur þetta skap í barninu, er þetta e-ð Vaðbrekkutengt eða hvað?!! Þetta þekkist amk ekki í Skriðdalnum!

Kv. Auður - með banana í eyrunum!

Ég elska vísindin....elsk elsk elsk! Núna er ég t.d. að gera tilraun (nó vörrís, ætla ekki að segja nánar um hvað) - en allavega þá þarf ég að mæla sýnin mín með ákveðnu millibili til að sjá bestu vaxtaraðstæður (tú möts?!!)

Ok...til að ná þessu sem bestu gerði ég mér lítið fyrir og mætti í skólann klukkan FIMM í nótt...jebbs, harkan 6 bara - því ég var sem sagt búin að sjá það út að með þessu næði ég vaxtarlínunni yfir daginn (í dag).

Nema hvað...núna er klukkan orðið 15:00 - sem þýðir að vinnudagurinn er að klárast og ennþá eru bakteríurnar mínar EKKERT.....EKKERT farnar að vaxa!!! Þetta væri ekkert mál ef ég gæti bara haldið áfram að sitja hérna og bíða...en það gengur ekkert, ég er að fara í hina vinnuna mína kl. 16:00 - móðurhlutverkið jú nó! Ohhh...ef þið vissuð bara hvað þetta er yndislega hressandi umhverfi, umhverfi þar sem ekkert er áreiðanlegt....nema jú hvað allir eru hressir og yndislegir!

Annað...í gær tókst mér hið ómögulega! ÉG át yfir mig af súkkulaði og mun sennilega ekkert langa í súkkulaði aftur....ever!! Gott gott gott!
Hrafndís - verst að þetta sest allt saman beint á puttana á mér....svo ekki sé nú talað um hausinn! Ef þú bara vissir hvað ég er lengi að skrifa þetta...reyna að hitta á rétta takka og svona!

Auður - elskandi vísindin í dag!

Er í vinnunni og þetta yndislega lag hljómar hér um alla rannsóknastofuna! "Hvar er Abba, hvar er Abba"....auðvitað er verið að syngja e-ð allt, allt annað en ó mæ....talandi um blast from the past!! Hversu oft vorum við búnar að syngja þetta lag eins og enginn væri að hlusta og dansa eins og enginn væri að horfa?!!!

Abba...ég elska þig!

Auður - í föstudagsgír!

Jebbsí pepsí!